12 наурызда оркестр бөлімінде көпшілікке танымал музыка фестивалі өтті. Оған жеке орындаушы ретінде және ұжымдар құрамында 50-ге жуық оқушы қатысты. Бір жарым сағат бойы мектебіміздің концерт залының сахнасында кинофильмдер мен мультипликациялық фильмдерден алынған әдемі, жұртқа танымал музыка шырқалды. Көптеген балалар бұл алаңға алғаш рет шықты, өйткені бұрынғы шектеулерге және жас ерекшеліктеріне байланысты олардың әлі концерт залында өнер көрсету тәжірибесі болмаған еді. Сондықтан олар қос бірдей мерекенің – алғашқы концерт пен сахнаның сиқырлы әсерінің құшағында болды. Балаларды осы фестивальге ата-аналардың қатысуы да қуантты, олар өздерінің қошеметтерімен балаларға қолдау көрсетті. Әр бала қатысқаны үшін алғыс хат алды. Педагогтар мен концертмейстерлер де осындай хаттармен марапатталды. Музыка мерекесі сәтті өтті!