Қазіргі уақытта «Рухани жаңғыру» бағдарламасы аясында жастарды туған өлкенің мәдени жетістіктеріне баулу және отаншылдық сезімін нығайту мақсатында «Рахмет саған, туған ел» жобасы белсенді түрде жүзеге асырылуда. Жобаның бағыттарының бірі – өскелең ұрпақтың Қостанайдың гүлденуіне үлкен үлес қосқан қаланың танымал адамдарымен кездесуі.

Біздің мектепте де өз кейіпкерлеріміздің бар екенін атап өткен жөн. Академиялық вокалдың оқытушысы Үмбетова Гүлнар Жұмагелдіқызы – Е. Өмірзақов ат. Қостанай облыстық филармониясының жетекші әншісі, республикалық және халықаралық байқаулардың лауреаты (Италия, Австрия, Ресей, Қазақстан), «Шабыт» номинациясы бойынша Меценаттар клубының лауреаты, Қазақстан Республикасы Мәдениет министрлігінің «Мәдениет саласының үздігі» төсбелгісінің иегері. 

Бейнеүндеуде әнші өзінің шығармашылығы туралы әңгімелейді, жас музыканттарға бағыт-бағдар береді, ал оның орындауындағы В. Беллинидің «Норма» операсынан алынған өте күрделі Каватина «Casta Diva» оқушыларды музыканы үйрену жолындағы еңбекқорлыққа және табандылыққа баулиды.