Музыка – жер бетінде мыңдаған жылдар бойы жасап келе жатқан адамзаттың ең үлкен өнертабысы. Музыканың тілі адамның ұлты мен тіліне қарамастан барынша қарапайым және бәріне түсінікті. Музыка адамның жаны мен жүрегіне жетіп, ойына түрлі ой салады, адамды түрлі сезімге бөлеп, көңілін көтереді. Осы бір мәдениеттің тамаша тілінің өз мерекесі – Халықаралық музыка күні бар екендігі ешкімді таңқалдырмасы анық. Бүкіл әлемде бұл мереке ЮНЕСКО-ның шешімі бойынша 1975 жылдан бастап атап өтіле бастады.

Біздің музыка мектебіміз де бұл оқиғадан тыс қалған емес, мерекеге арнап педагогтар концерттік бағдарлама дайындайды. Фортепиано бөлімінің педагогтары сценарий әзірлеумен айналысады. 

Бағдарламада классикалық және қазіргі кездің музыкалық туындылары орындалады. Концертті қазақ халық аспаптары және теориялық пәндер бөлімінің педагогтары М. А. Абдуллина мен А. Б. Алпысбаева жүргізеді. Қазір №2 корпуста 1-ші қазанда өтетін концертке дайындық жүріп жатыр. Оған оқытушылар В.А. Варюхина, Н. Г. Плюшко, Ж. К. Уразалина, Р. Р. Баширов және мектептің басқа да оқытушылары мен түлектері қатысады.

Сіздерді концертке күтеміз. Келіңіздер, концерт көңілдеріңізден шығатын болады!