26 желтоқсанда мектептің концерт залында БММ шығармашылық ұжымдарының есеп беру концерттері өтті. Қазақстандағы Балалар жылының қорытындысы шығарылды, тыңдаушылар үшін залда түрлі концерттік бағдарлама ұсынылды. Сахнада түрлі бағыттағы, түрлі жанрдағы сегіз ұжым өз өнерлерін көрсетті. Классикалық шығармалармен қатар, джаз композициялары, заманауи әндер мен орыс фольклоры, отаншылдық және лирикалық шығармалар шырқалды. Ең талғампаз тыңдаушының өзі жанына жақын әуенді таңдай алатын жағдай жасалды.

Жас әртістер авторлардың ойы мен шығармалардың сипатын мүмкіндігінше дәл жеткізу үшін барынша мәнерлі және жарқын ойнауға тырысты. Ұжымдық орындау оқушылардан ансамбльде ойнаудың қосымша дағдыларын, ырғақтың дәлдігін, ортақ нәтиже үшін жауапкершілікті және бірлескен шығармашылық үдерісіне деген біртұтас жанашырлықты талап етті.

Алғыс білдірген көрермендердің қошеметі мен жаңа жыл алдындағы жақсы көңіл күй жұмсалған күш-жігер үшін берілген марапат болды.