20 қазанда Балалар музыка мектебінің кіші залында фортепиано бөлімінің 2-3 сынып оқушыларының есеп беру концерті болып өтті.  

Жас пианиношылар қол жеткізген нәтижелері туралы шығармашылық есеп беріп, концерт қоюдан тәжірибелерін толықтыра түсті, арнайы дайындаған пьесаларын орындап, өздерінің ата-аналары мен жақындарына, мектептің педагогтары мен сыныптастарына ләззат сыйлады. 

Барлық тәрбиеленушілер әдемі және мәнерлі орындауға, өздерін сахнада кәсіби шеберлерше ұстауға тырысты, ал кейбір орындаушылардың өнер көрсетуі барысында байқалып қалған болмашы қателіктер концерттің «құпиясы» ретінде қабылданып, мерекенің жалпы көтеріңкі ахуалына өзіндік реңк берді.