30 қаңтарда БММ концерт залында «FORTE TRIO» Қазақстан Республикасы мемлекеттік триосының қатысуымен концерт және шығармашылық кездесу өтті (көркемдік жетекшісі, ұжымның негізін қалаушы Қазақстан Республикасының еңбек сіңірген қайраткері Тимур Орманшиев). Құрамы: Мақсат Жүсіпов (скрипка), Мұрат Нарбеков (виолончель), Тимур Орманшиев.

Ата-аналар, педагогтар мен жас музыканттар белгілі пианиношы Тимур Орманшиевті үлкен қызығушылықпен тыңдады. Ол ұжым туралы, шығармашылық жоспарлары туралы айтып беріп, оқушыларды сабақтарға көбірек көңіл бөлуге, байқауларға қатысуға, концерттерге барып тұруға шақырды.

Концерттік бағдарламада Ф. Мендельсон, С. Рахманинов ж.б.  секілді шығармалар орындалды.  Жоғары дәрежелі музыканттардың шығарманы фонограммасыз орындауы қостанайлық тыңдаушыларды риза қылды және өз өнерлерімен тәнті етті.

Концерттен кейін фортепиано және оркестр бөлімдерінің оқушыларымен мектеп мұғалімдеріне шеберлік сыныптары берілді. Елордалық қонақтар дайындықтың жақсы деңгейін атап өтіп, оқушылардың орындаушылық шеберлігі мен тәлімгерлердің кәсіби біліктілігін одан әрі арттыру үшін ұсыныстар берді.