2023 жылы Қазақстанның музыкалық жұртшылығы қазақ халық музыканты, композитор, домбырашы, күйші Сағырбайұлы Құрманғазының 200 жылдығын атап өтеді.
Музыка мектебінің мұғалімдері оқушылармен бірге атақты отандасымыздың өмір тарихы мен шығармашылық мұрасын игереді. Құрманғазы көптеген күйлер шығарды, онда ол туған жерінің сұлулығын қос ішекпен жеткізіп, қарапайым шаруа адамының қиын өмірін, мұңы мен зарын жырлады, адамның ең жақсы қасиеттерін дәріптеді. Мұғалімдер бұл туралы өз шәкірттеріне үнемі айтып отырады, оның шығармаларын өздері орындау арқылы насихаттайды және күйлерді үйренуді оқу репертуарына қосады.
Қазақ халық аспаптары бөлімінің 2-ші корпус оқушылары жалпы білім беретін мектептерде ұлы күйшінің шығармаларын орындайды, түрлі концерттерге қатысады.
Жақында облыстық филармонияда халық музыкантының мерейтойына арналған дөңгелек үстел отырысы өтті. Оның жұмысына оқытушы А.М. Тоқмағамбетова және оның шәкірті, республикалық және халықаралық байқаулардың лауреаты Дархан Қанапин қатысып, Құрманғазының «Сарыарқа» күйін орындады.
