Бірінші сынып оқушыларын жас музыканттар қатарына қабылдау мектеп үшін жақсы дәстүрге айналған. Жыл сайын наурыз айының басында балалар алғаш рет сахнаға шығады, бұл күні олар екі бірдей мерекенің куәсі болады: аналар мен әжелерді Халықаралық әйелдер күнімен құттықтайды және өздері алғаш рет сахнаға шығады.

Концерттік іс-шара қызықты әрі көңілді өтеді: мектептің барлық бөлімдері өз сценарийін дайындайды, бірінші сынып оқушыларының хорында дайындық жүріп жатады, әр оқушы осы күнге бір шығарма дайындайды. Балалар өлеңдер оқиды, музыкалық жұмбақтар шешеді. Концерттің соңында балалар көрермендердің қошеметімен салтанатты түрде музыканттардың қатарына қабылданады.

 Биылғы жылы оркестр бөлімі іс-шараға жоғары сынып оқушыларын да тартты. Әбішева Алиса мен Смаглюк Максим жүргізуші рөлін керемет атқарып, әртістік танытты, кішкентай әртістерге сахнада өздерін жайлы әрі еркін сезінуге көмектесті. Сахнаға алғаш шыққан кез келген адамның қатты толқитыны табиғи құбылыс, бірақ балалардың әрқайсысы өзінің алғашқы шығармашылық жұмысын абыроймен көрсетуге тырысты.