22 наурызда Қостанай қаласының орталық алаңында Наурыз мейрамы өтті. Бұл шараға музыка мектебі белсенді қатысты. Жоғары сынып оқушыларының хоры Наурыз туралы әнді мәнерлі де әсерлі орындап, қала тұрғындарына мерекелік көңіл-күй сыйлады.
Мектеп ұстаздары «Әйгерім-ай» балабақшасы және «ҚБС» ҚБ бірлесіп киіз үйді орнатты, безендіріп, жергілікті тұрғындарды мерекенің басты нышандары – наурыз көже мен бауырсақпен қарсы алды. Ұлттық нақышта әсем безендірілген киіз үй, ұстаздардың ұлттық киімдері, жомарт дастархан, ең бастысы, ұстаздардың музыкалық аспаптарда жоғары кәсіби шеберлікпен ойнауы мерекені есте қаларлық әрі жарқын етті.