Мереке күндері қарсаңында Назарбаев зияткерлік мектебінде Қазақстандық Ұлттық UNESCO клубтары федерациясының «Зажги свою звезду» халықаралық фестивалінің іріктеу турлары өтті.

2023 жылғы фестиваль БҰҰ жариялауы бойынша бейбітшіліктің кепілі ретінде халықаралық Диалог жылына арналды. Фестиваль тақырыбы – «Сверим сердца».

Жобаның мақсаты – өзін жұртқа көрсетуге болатын өнердің алуан түрлілігін насихаттау арқылы балалар мен жастардың шығармашылық әлеуетін жүзеге асыру.

«The Planetof ART 2023» қатысушыларының арасында Әзірбайжан, Қазақстан, Қырғызстан, Ресей, Түркия, Өзбекстан және Тәжікстанның дарынды өкілдері болды.

Фестивальдің шарықтау шегі Астана мен Павлодарда жеңімпаздарды салтанатты марапаттау рәсімімен өтетін екі ауқымды Гала-концерт болмақ. 

Небір мықтылар бақ сынаған байқауға БММ тәрбиеленушілері Қабиболла Әлихан (оқыт. Өтегенов М. С.), Алина Садвакасова және Алина Саужанова  (оқыт. Вилда Г.А.) қатысты.

Әлихан Қабиболланың өнер көрсету барысында күтпеген оқиға орын алды: музыкалық сүйемелдеу күтпеген жерден үзіліп қалып, әнді толығымен аспаптың сүйемелдеуінсіз айтуға тура келді. Ол өнер көрсету үшін М.Магомаевтың репертуарындағы «Синяя вечность» композициясын таңдағанын ескерсек, бұл оңай сынақ емес еді. Алайда Әлихан абдырап қалмай, қатаң да білікті қазылар алқасының алдында абыроймен өнер көрсете білді.

Нәтижелер мамыр айының басында белгілі болады. Жақсы жаңалықтар күтеміз.