2018 жылдың 26 қазаны мен 3 қарашасы аралығында Қостанай қаласының музыкалық мектебінде Қазақстан Республикасы Білім және ғылым министрлігінің Республикалық қосымша білім беру оқу-әдістемелік орталығы балаларға қосымша білім беру бағдарламасын

2018 жылдың 26 қазаны мен 3 қарашасы аралығында Қостанай қаласының музыкалық мектебінде Қазақстан Республикасы Білім және ғылым министрлігінің Республикалық қосымша білім беру оқу-әдістемелік орталығы балаларға қосымша білім беру бағдарламасын жүзеге асырумен айналысатын  білім беру ұйымдарының педагогикалық кадрларына арналған «Баянда, аккордеонда, гитарада ойнауды үйрету кезіндегі педагогикалық технологиялар» тақырыбы бойынша республикалық біліктілікті арттыру курсын өткізді.  

Қазақстанның барлық облысынан келген 66 тыңдаушы шеберліктің сырымен бөлісу үшін, жаңа білім алып, педагогика, өнер мен ғылым саласында жаңа белестерге көтерілу жолында алдағы жұмыстарды бір жүйеге келтіріп алу үшін Қостанайда бас қосты. Курстың жұмысын үйлестіру Өңірлік қосымша білім беруді дамыту орталығының әдістемелік бөлімінің жетекшісі Г.Р.Ахметоваға жүктелді.

80 сағатқа есептелген бағдарламаның берері мол, бағыты әртүрлі және пайдасы зор болды.

Курстардың жұмысына жергілікті музыка мектебінің оқытушылары белсенді қатысты. Г.Б.Кучикова, А.В.Заика, Т.В.Егорова, Г.С.Амирова қатысқан курстардың теориялық бөлімі қосымша білім берудің өзекті жақтарын: Қазақстандағы қосымша білім берудің қазіргі жағдайы мен оны дамытудың болашағын және оның заңнамалық негіздерін ашып көрсетуге арналды. Сонымен қатар «Рухани жаңғыру» бағдарламасын халық музыкасының көмегімен жүзеге асырудың мүмкіндіктері, аттестация ережесіне енгізілген жаңалықтар және т.б. сөз болды.

Оқытудың практикалық жағының тартымдылығы алдыңғысынан еш кем болған жоқ.

Әсіресе өздерінің әдістемелік жасамаларымен риясыз бөліскен Қостанай музыка мектебі оқытушыларының практикалық семинарлары ерекше атап өтуді қажет етеді, олар тәрбиеленушілермен жұмыс істеу кезіндегі орындаушылық міндеттерді шешудің жолдарын іс жүзінде көрсетіп берді.  Т.В.Егорова, Г.Н.Рядинская, Г.В.Петрова өз баяндамаларын балаларды орыс халық аспаптарына үйрету кезінде біліктілік пен дағдыны игерту технологиясын пайдалануға арнады. Гитарашылар ансамблі дыбысының сапалы шығуына қол жеткізудің сырымен В.П.Михайленко бөлісті. В.Н.Фисенко музыкалық білім берудегі ұрпақтар сабақтастығы туралы әңгімеледі. Балалайка сыныбы бойынша оқытушы – аталған сала бойынша Қазақстандағы жалғыз маман деуге болатын С.А.Заберезников тыңдаушыларды балалайка бойынша білім алушыларға арналған өзінің лицензияланған, репертуарында автордың шығармалары лайықты орын алған оқу-әдістемелік құралдар сериясымен таныстырды.

Білім алушылардың жоғары нәтижелерге қол жеткізіп жүргенін көрсету үшін курсқа қатысушыларға мектеп оқушыларының концерті, негізінен орыс халық аспаптары бөлімінің тәрбиеленушілері өнер көрсеткен концерт берілді. Музыкалық фольклордың алуан түрлі тембрі мен әуендері кәсіби көрермендердің көңілінен шықты. «Азаматсың» деген айғайлар мен ду қол шапалақ жергілікті жас музыканттардың білім деңгейіне берілген жоғары баға болды.

Курстар педагогтарға «өзін көрсетуге және өзгелерді бағалауға», музыкалық білім берудегі толғағы піскен мәселелерді талқылауға, өздерінің жұмыстарында қолданып жүрген әдістерінің дұрыстығына, әріптестерінің жасамаларын назарға алуға,  инновациялық біліммен байи түсуге және жаңа шығармашылық идеялардан шабыт алуға мүмкіндік берді және бұлардың барлығы алдағы жалпы білім беру процесінде оң нәтиже береді деп сенеміз.