Ел президенті Қ. Тоқаевтың бастамасымен және Оқу-ағарту министрлігі мен Мәдениет министрлігінің қолдауымен Астанада атақты күйші, композитор және музыкант Құрманғазы Сағырбайұлының 200 жылдығына арналған «Күй атасы» атты I республикалық домбырашылар байқауы өтті.  Ұлттық өнер университетінің Орган залында Қазақстанның түкпір-түкпірінен келген 80 домбырашы үздік домбырашы атағы үшін күш сынасты. 9 жастан 18 жасқа дейінгі үш жас тобында БММ және мамандандырылған мектептер мен колледждердің оқушылары бір мезгілде орындаушылық шеберліктерін көрсетті. Қазылар алқасының шешімі бойынша жүлделі орындар шектеулі болды: бір бірінші, екі екінші және үш үшінші орын белгіленді. Сондықтан бәсекелестік пен қатысушылардың орындау деңгейі өте жоғары болды. 

Сондықтан Қостанай қ. музыка мектебінің оқушысы Қанапин Дарханның (оқытушы Токмағамбетова Алмагүл Мұратқызы) 9-12 жас аралығында І дәрежелі лауреат болып қана қоймай, 30 мың теңге сомасында ақшалай сыйлық алғаны айтарлықтай жетістік болып табылады. Қазылар алқасы оның жарқын өнерін ерекше атап өтті және марапаттау рәсімінде өнер көрсетуге шақырды. Көрермендер Дарханның өнеріне шын жүректен риза болысты және талантты қостанайлыққа қуана қол соқты.