22 қаңтарда еліміздің ең танымал камералық ансамбльдерінің бірі «Forte trio» Қазақстан Республикасының мемлекеттік триосы музыка мектебінің ұжымында қонақ болды. Музыканттар қазірдің өзінде әлемдегі ең беделді сахналарда өнер көрсетіп үлгерді. Ұжым құрамында республикалық және халықаралық байқаулардың лауреаттары: дарынды скрипкашы Мақсат Жүсіпов, виолончелші, ҚР тұңғыш Президенті қоры сыйлығының лауреаты Мұрат Нарбеков, атақты пианиношы, Қазақстанның еңбек сіңірген қайраткері, «Құрмет» орденінің иегері Тимур Орманшиев бар.
Әлемдік деңгейдегі атақты адамдардың музыка ғылымын енді игере бастаған оқушылармен кездесуі естен кетпес әсер сыйлайды. Концерттің әрбір нөмірі үлкен ықыласпен қарсы алынды және дүрілдете соғылған шапалақпен қошемет көрсетілді.
Ал концерттен кейін қостанайлық балалардың не үйренгенін көрсететін кез келді. Бір мезгілде 3 залда жас скрипкашылар, виолончелшілер мен пианиношылар өз өнерлерін көрсетті, ал олардың тәлімгерлері көрермен ретінде толқып отырды.
Атақты триомен кездесу осымен екінші рет орын алды және музыка мектебінің өміріндегі маңызды оқиғаға айналып, балаларға да, тәрбиешілерге де одан әрі дамуға серпін берді, олардың ой-өрісін кеңейтті, болашақ жетістіктерге ынталандырды.