«Наурызама» мерекелік онкүндігінің жобалары аясында 2024 жылдың 15 наурызы Ғылым күні болып белгіленді. ҚОӘББ «Қостанай қаласы білім бөлімінің «№1 балалар музыка мектебі» КМҚК жалпы білім беретін мектептердің музыка мұғалімдері мен музыка жетекшілері үшін Наурыз мерекесіне және Александр Викторович Затаевичтің 155 жылдық мерейтойына арналған семинар өткізді. Іс - шара тек ақпараттық сипатта ғана өтіп қоймай, Наурыз ұлттық мейрамын мерекелеу дәстүрлерін білу бойынша көрермендердің жаңаша ойлауын дамытатын заманауи технологиялар да қолданылды. Мазмұны жағынан қызықты музыкалық нөмірлер ұсынылды. Балалар көрермендерге музыкалық аспаптардағы өздерінің орындаушылық шеберліктерін үлкен ынтамен көрсетті. Тыңдаушылар жетіген ансамблінің, қобыздың, фортепианоның орындауындағы қазақ музыкасының әдемі әлеміне сапар шекті.