«Жас конкурстанттар мектебі» халықаралық деңгейде тағы да жарқырай көрінді!
21 маусым күні Алматы қаласында «Жетіген – Жеті Нота» атты халықаралық жетіген орындаушыларының байқауы өтті. Бұл байқауға Қазақстанмен қатар Моңғолия, Өзбекстан және Қырғызстаннан келген дарынды музыканттар қатысты.
Қазылар алқасы – Алматы консерваториясы мен музыкалық колледжінің беделді ұстаздары – қатысушылардың өнерін аса жоғары талаппен бағалады.
Ал біздің оқушылар бұл сыннан сүрінбей өтті!
Қостанай музыкалық мектебінің 5 оқушысы сүйікті ұстазы Искакова Асем Құрманғазықызымен бірге түрлі жас категорияларында өнер көрсетіп, тамаша нәтижелерге қол жеткізді!
Міне, біздің жұлдызды жетістіктеріміз:
Бас жүлде! 1 орын – Нұрулен Жанерке
Күміс жеңіс! 2 орын – Жақсыбай Дарина мен Жақсылық Асыл
Қола жетістік! 3 орын – Аманжол Мерей
Құрмет грамоталары – Балғынбек Айша мен Тоқтарқызы Айар
Біз сіздермен мақтанамыз! Сіздер – мектебіміздің мақтанышы, шабыттың шынайы үлгісі.
Ұстаз бен шәкірттің бірлігі қандай керемет нәтижеге әкелетініне тағы бір дәлел!
Жарайсыңдар, жас орындаушылар! Жаңа биіктерге бірге ұмтылайық!