3 ақпанда балалар музыка мектебінде оқытушы Кучикова Г.Б. мен 5-сынып оқушысы Арина Сисина қатысқан ашық сабақ өтті. Сабақтың тақырыбы:
«И.С. Бахтың үш дауысты инвенциясы мысалында soft skills қолдану арқылы оқушының полифониялық есту қабілетін дамыту».
Сабақ барысында көпдауысты шығармамен жұмыс істеу әдістемесі көрсетіліп, музыкалық ойлау, есту бақылауы және полифониялық фактураны саналы түрде қабылдау дағдыларын дамытуға баса назар аударылды. Сонымен қатар оқушының дербестігін, зейінін, талдау жасау қабілетін және музыкалық интерпретацияны логикалық тұрғыда құра білуін қалыптастыруға бағытталған soft skills дағдылары дамытылды.
И.С. Бахтың үш дауысты инвенциясымен жұмыс жасау оқушының дауыстардың өзара байланысын терең түсінуіне, полифониялық есту қабілетін және орындаушылық мәдениетін жетілдіруге мүмкіндік берді. Сабақ іскерлік әрі шығармашылық атмосферада өтіп, фортепиано оқытудағы дәстүрлі және заманауи педагогикалық тәсілдердің тиімді үйлесімін көрсетті.