12 желтоқсанда Тәуелсіздік күні қарсаңында Қостанай қ. Балалар музыка мектебінде шығармашылық одақтастық аясында Сурет мектебі оқушыларымен бірлесе отырып көрме-концерт өткізілді. 

Жас суретшілердің жұмыстары көркемдігімен, бояулары мен бейнелерінің алуан түрлігімен, жоғары деңгейдегі орындаушылықпен және балғын кескіндемешілердің шеберлігімен таңдандырып, мерекелік ахуал тудырды.

Мереке қарсаңындағы шараға келгендердің қарасы мол болды, көпшілігі отбасымен келсе, кейбірі балаларын ертіп келді. Бір жарым сағатқа созылған концерт кезінде залда жиналғандардың барлығы шабытты шақтарын басынан кешірді. Республикалық және халықаралық байқаулардың лауреаттары болып табылатын мектептің үздік жеке орындаушылары мен ұжымдары өнер көрсетті.

Ұжымдардың өнер көрсетуі көп ұлтты Қазақстан мәдениетінің алуан түрлілігі мен байлығын көрсеткен қызықты және жарқын бағдарламаға біріктірілді.

Қонақтар концерттік бағдарламаға қатысқандардың барлығын зор қошеметпен қарсы алып отырды. Әсем әуен, көңілде қалған күйлер мен сұлу да сәнді киімдер көрермендерге есткен кетпес әсер мен көтеріңкі көңіл күй сыйлады.