Музыкалық терапия Халықаралық виолончель күні (International Cello Day) немесе Виолончельші күні – жыл сайын 29 желтоқсанда атап өтілетін виолончель музыканттары мен музыка әуесқойларының бейресми мерекесі. Бұл музыкалық мерекенің күні ретінде көрнекті каталондық виолончельші, дирижер, композитор және музыкалық қоғам қайраткері Пабло Касальстың туған күні таңдап алынған (исп. Pablo Casals, 1876-1973). Мерекеге орай музыка мектебінің оқытушысы Айдосова Гүлмайрам Толыбайқызы және виолончельші оқушылар Бекішева Самира мен Шевченко Матвей «Қазақстан-Қостанай» телеарнасының «Тобыл таңы» бағдарламасының студиясына шақырылды. Әңгіме барысында балаларға осы аспапта ойнауды үйретудің жолдары мен ерекшеліктері туралы айтылып, ата-аналарға ұсыныстар берілді және балалар виолончельде ойнап берді. Сюжетті арнадан көре алмағандарға оны жазбадан көруді ұсынамыз.