Жаздың жылы күндерінің орнына жүз құбылған ауа райын алып суық күз келді. Күзгі күннің сәт сайын өзгеріп тұратыны барлығымызға белгілі: таңертең суық, күндіз жылы, біресе жаңбыр, біресе жел. Демек, балаларға да, ересектерге де алғашқы суық тиюлер басталады. Вирустық және жұқпалы аурулар халыққа жаңа күшпен шабуыл жасайды, сіздің иммунитетіңіздің бұзылу ықтималдығы арта түседі.
Соған қарамастан, егер сіз өзіңізге және денсаулығыңызға қамқорлық жасайтын болсаңыз, мұның алдын алуға болады.
Олай болса, иммунитетті нығайтуға және күзде ауырып қалмауға көмектесетін келесідей құнды кеңестерге құлақ түре жүріңіздер.
- 1. Тамаққа пияз бен сарымсақты пайдаланыңыз.
Пияз бен сарымсақта пайдалы заттардың керемет құрамы бар деп саналады. Сондай-ақ, пияз мен сарымсақ барлық вирустарды «бұғаттай» алады, сондықтан сізді суық тию немесе тұмау қаупінен құтқарады деген пікір кең таралған.
- Дұрыс тамақтанамыз.
Вирустарға біздің не жейтініміз бәрібір емес. Егер адам тәттілерді жақсы көретін болса, онда ол патогендік микроорганизмдердің шабуылына көбірек бейім екендігі дәлелденді. Ал ақуыздары бар тамақтарды: етті, тауық етін, балықты вирустар ұнатпайды. Вирустар сонымен қатар «иесінің» құрамында темірі бар тағамдарды (ет, қарақұмық, анар және т.б.) жегенін де қаламайды.
- Денені, әсіресе аяқты жылы ұстаймыз.
Вирустар біздің қатты тоңғанымызды ұнатады, бұл олардың дамуына өте жақсы жағдай жасайды. Далаға шыққан кезде киіміңіздің ауа райына сәйкес болуын қадағалаңыз.
- Дене шынықтыру жасаймыз.
Дене шынықтыру дененің босаңсуынан арылуға көмектеседі, бұлшық еттерді нығайтады, қан айналымын жақсартады. Спортшы адамдардың әлдеқайда аз ауыратыны анықталған.
- Витаминдер қабылдаймыз.
Витаминді-минералды кешендер иммун тапшылығы кезеңінде дененің барлық жүйелеріне қолдау көрсетеді. Көптеген дәрумендер антиоксиданттар болып табылады, сонымен қатар тамыр қабырғаларын нығайтады. Бұл вирустарға қарсы тұрудың өте пайдалы қасиеті.
- Жағымды эмоцияларды мүмкіндігінше молынан аламыз.
Вирустар көз жасын жақсы көреді. Стресс иммунитетті тез басады. Бірдеңеге ренжісеңіз, біреуге өкпелесеңіз немесе біреумен сөзге келіп қалсаңыз, вирустың шабуылын күте беріңіз. Керісінше, күлкі мен ізгілік, айналамыздағы және болатын барлық нәрсеге деген оң көзқарас біздің қорғанысымызды нығайта түседі.
- Жеміс жейміз.
Жемістер ішектерді тазартатын және оның қалыпты микрофлорасының өсуіне ықпал ететін талшыққа бай. Мұның сыртында олардың жемістері минералдар мен дәрумендердің бай көзі болып табылады.
Жоғарыда аталған барлық кеңестерді біріктіре отырып, сіз вирустармен күресте жеңіске жету мүмкіндігіңізді едәуір арттыра аласыз, тіпті алдағы күз бен қыстың суығында мүлдем ауырмауыңыз да мүмкін. Аурудың алдын алу амалдарыңыз сәтті болсын!
