2019 жылдың 18-мамырында қазақ халық аспаптары бөлімінің есеп беру концерті өтті. Бағдарламада халық музыкасы, әлем классикасы және қазіргі кезең музыкалық туындылары орындалды.

Мемлекет басшысы Н.Назарбаевтың "Болашаққа бағдар: рухани жаңғыру" бағдарламалық мақаласын жүзеге асыру аясында қазақстандықтардың санасын отандық білімнің көмегімен ояту аса маңызды болып табылады.

26 қаңтарда Балалар музыка мектебінде Жас музыканттардың қалалық оқытушылық фестиваль-байқауы өтті. Жас талаптан бастап мектепті бітірушілерге дейін қатысқан 30-дан астам орындаушы қазақ және орыс халық аспаптарында өздерінің шеберліктері мен таланттарын көрсетіп бақты.

15 желтоқсанда «Рухани жаңғыру» бағдарламалық мақаласы аясында мектептің концерт залында Қазақстан Республикасының Тәуелсіздігі күніне арналған концерт болып өтті. Концерт хордың, қазақ халық аспаптары, скрипкашылар, фольклор ансамбльдерінің, домрашылар триосының және жеке орындаушылардың тамаша өнер көрсетуімен өтті. Шара барысында сөз сөйлеген мектеп директоры Г.Б.Кучикова қатысушыларды еліміздің басты мерекесімен құттықтап, Қазақстан  мен мектебіміздің тәуелсіздік жылдарында қол жеткізген жетістіктерін атап өтті және ерекше көзге түскен оқушылар мен олардың тәлімгерлерін марапаттады.

14 желтоқсанда «Рухани жаңғыру» бағдарламалық мақаласы аясында республикалық және халықаралық байқаулардың лауреаты «Violin DoStar» скрипкашылар ансамблінің Қазақстан Республикасының білім беру ісінің үздігі, Қостанай облыстық меценаттар клубының «Қазына» сыйлығының лауреаты Елена Петровна Тулупованың шығармашылық жұмысының 30 жылдығына арналған есеп беру концерті үлкен жетістікпен өтті.

Қостанайда үшінші жыл қатарынан 1-2 желтоқсанда музыка мектебінің қабырғасында  2 республикалық байқау: үміткер жас музыканттардың «Kostanay music start - 2018» және музыкалық аспапта орындаушылардың «Kostanay music games - 2018» байқаулары өткізілді. 

2018 жылдың 26 қазаны мен 3 қарашасы аралығында «Рухани Жанғыру» бағдарламасының аясында Қостанай қаласының музыкалық мектебінде Қазақстан Республикасы Білім және ғылым министрлігінің Республикалық қосымша білім беру оқу-әдістемелік орталығы балаларға қосымша білім беру бағдарламасын жүзеге асырумен айналысатын білім беру ұйымдарының педагогикалық кадрларына арналған «Баянда, аккордеонда, гитарада ойнауды үйрету кезіндегі педагогикалық технологиялар» тақырыбы бойынша республикалық біліктілікті арттыру курсын өткізді.